İQTİSADİYYAT


SOCAR-ın Qaz Emalı Zavodu keçən il 3 milyard kubmetrədək qaz emal edib

Bakı, 6 sentyabr, AZƏRTAC

SOCAR-ın Qaz Emalı Zavodunda ötən il 3 milyard kubmetrədək qaz emal olunub.

AZƏRTAC xəbər verir ki, bu barədə SOCAR-ın 2017-ci il üzrə illik hesabatında bildirilir.

Qeyd olunur ki, hesabat ilində zavodda faktiki olaraq 2 milyard 918,3 milyon kubmetr qaz emal olunaraq proqnoz göstəricilərinə 82,9 faiz əməl edilib. Emal proqnozuna kəsrlə əməl olunması “Azneft” İB tərəfindən zavoda təhvil verilən qazın həcminin proqnoza nisbətən az olması ilə əlaqədar olub. Bu göstərici 2016-ci ilin müvafiq göstəricisinə nisbətən 97,2 faiz təşkil edib. 2017-ci il ərzində zavodda 2 milyard 866,7 milyon kubmetr təmizlənmiş təbii qazla yanaşı 11,91 min ton texniki butan və 20,11 min ton qaz benzini istehsal edilib. İstehsal edilmiş qaz benzininin bütün həcmi təkrar emal məqsədilə xammal kimi “Azneft” İB-ə, texniki butanın 48 faizi xammal kimi “Azərikimya” İB-ə, 52 faizi isə daxili bazarda satışa yönəldilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.