Xəzər Universitetində tədqiqatçılar üçün növbəti seminar
Bakı, 28 oktyabr, AZƏRTAC
Noyabrın 20-də Xəzər Universitetində doktorantlar, magistr tələbələri və tədqiqatçılar üçün nəzərdə tutulan növbəti seminar keçiriləcək. Tədbir universitetin Təlim və Tədris Mərkəzi ilə İngilis dili və ədəbiyyatı departamenti tərəfindən təşkil ediləcək.
Universitetdən AZƏRTAC-a bildirilib ki, seminarda İranın Azad İslam Universitetinin əməkdaşı, doktor Davud Kuhinin “Keyfiyyət tədqiqat metodları” mövzusunda təqdimatı olacaq. Təqdimatda keyfiyyət tədqiqat metodlarının seçilməsi, məlumatların toplanması, təhlili və digər xüsusiyyətləri haqqında məlumat veriləcək.
Bölmənin digər xəbərləri
