® “Expressbank” “Banking Excellence Award” mükafatına layiq görülüb
“Expressbank” Tbilisidə keçirilən “Fusion Georgia 2026: Banking & Retail” beynəlxalq forumunda “Banking Excellence Award” mükafatı ilə təltif olunub.
Bankı forumda Ödəniş sistemlərinin idarə edilməsi departamentinin müdiri Zaur Abasov və Texniki avadanlıqlara nəzarət şöbəsinin müdiri Hikmət Hüseynov təmsil ediblər.
Beynəlxalq texnologiya şirkəti BS/2-nin təşkilatçılığı ilə ilk dəfə Gürcüstanda keçirilən forum Azərbaycan, Gürcüstan, Özbəkistan, Qazaxıstan, Qırğızıstan və Litvadan 300-dən çox bankçılıq, fintex, pərakəndə ticarət və texnologiya sahəsinin nümayəndələrini bir araya gətirib. Tədbir çərçivəsində rəqəmsal xidmətlər, müasir bank texnologiyaları və regionun maliyyə sektorunun gələcək inkişaf istiqamətləri müzakirə olunub.
Bu mükafat “Expressbank”ın bankçılıqda xidmət keyfiyyətinin yüksəldilməsi və müştəri təcrübəsinin təkmilləşdirilməsi istiqamətində həyata keçirdiyi işlərin beynəlxalq səviyyədə qiymətləndirilməsinin göstəricisidir.
“Expressbank” bu uğurda əməyi olan komanda üzvlərinə və banka etimad göstərən müştərilərinə təşəkkür edir.
"Expressbank" ASC Mərkəzi Bank tərəfindən 1992-ci il 30 dekabr tarixində verilmiş №119 lisenziya əsasında fəaliyyət göstərir.
Bölmənin digər xəbərləri
