Xəzər Universitetinin əməkdaşları Türkiyənin Sabancı Universitetində olublar
Bakı, 26 iyul, AZƏRTAC
Xəzər Universiteti İqtisadiyyat və biznes yüksək təhsil fakültəsinin dekanı professor İnqilab Əhmədov və Təhsil departamentinin koordinatoru Cavid Cəfərov “Erasmus+” layihəsi çərçivəsində Türkiyənin Sabancı Universitetində olublar.
Bu barədə AZƏRTAC-a Xəzər Universitetindən məlumat verilib.
Proqram çərçivəsində 9 ölkənin 10 ali məktəbinin təmsilçiləri ilə birgə Sabancı Universitetinin təqdimatları dinlənilib, mövzular ətrafında müzakirələr aparılıb.
Nümayəndələrimiz Xəzər Universiteti haqqında təqdimat edib, Sabancı Universiteti tərəfindən təşkil edilmiş bilik yarışmasında 1-ci yeri tutub və xüsusi hədiyyə ilə təltif olunublar.
Səfər çərçivəsində Sabancı Universitetinin müvafiq qurum rəhbərləri, habelə digər universitet nümayəndələri ilə əməkdaşlıq məsələləri müzakirə edilib, perspektiv istiqamətlər müəyyənləşdirilib.
Bölmənin digər xəbərləri
