Yavər Camalov: Müdafiə Sənayesi Nazirliyində 58 istehsal sahəsi mövcuddur
Bakı, 17 dekabr, AZƏRTAC
Azərbaycan Prezidenti İlham Əliyevin tapşırığı ilə dünyanın aparıcı ölkələrindən ən müasir avadanlıqlar, alətlər, tərtibatlar alınaraq quraşdırılıb və bu gün Müdafiə Sənayesi Nazirliyində 58 istehsal sahəsi mövcuddur.
AZƏRTAC xəbər verir ki, bunu müdafiə sənayesi naziri Yavər Camalov jurnalistlərə müsahibəsində deyib.
Y.Camalov bildirib ki, nazirliyin zavodlarının sayı 18-dən 28-ə çatdırılıb. 2007-ci illə 2017-ci ili müqayisə etdikdə ümumi məhsul həcmi 6,7 dəfə artıb. Müdafiə təyinatlı məhsullar isə 42 dəfə çoxalıb.
Nazir qeyd edib ki, keçən ilin müvafiq dövrü ilə müqayisədə bu il Müdafiə Nazirliyinə və digər qurumlara verilən müdafiə təyinatlı məhsulların həcmi 7,1 faiz artıb.
Bölmənin digər xəbərləri
