Formula 1-in gizli qəhrəmanı FCHAIN-in Çexiya üzrə direktoru Teymur Axundov!

Formula 1 dünyanın ən sevilən avtomobil idman növlərindən biridir. Milyonlarla azarkeş bu yarışı həyəcanla izləyir, sürətsevərlərin çoxu məhz bu adrenalin dolu anları yaşamaq üçün hər il bir araya gəlir. Bu dəfə möhtəşəm sürət yarışında hadisələrin axarını daha yaxından izləyən, ancaq yarışlar zamanı bəlkə də çoxlarının bilmədiyi, görmədiyi pərdəarxası qəhrəmanlardan – marşallardan bəhs edəcəyik ki, bunlardan biri 2024 Formula 1 Azərbaycan Qran Prisinin Marşalı, “Financial Chain Corporation”in Çexiya üzrə direktoru Teymur Axundovdur.

Öncə qeyd edək ki, marşallıq könüllü fəaliyyətdir, “Marşal” sözünün mənası “etibarlı insan”, “təmənnasız kömək edən” anlamına gəlir. Teymur Axundov da 2024 Formula 1 Azərbaycan Qran Prisinin marşalı olaraq yarışda təqdirəlayiq fəaliyyət nümayiş etdirib. Teymur Axundov “Təxliyə” (Recovery) komandasının rəis müavini, həmçinin halqanın 2-ci zonasının lideri kimi fəaliyyət göstərir. İkinci zonaya halqanın 3-cü döngəsindən 7-ci döngəsinə qədər və 19-cu döngəsindən 20,5 nöqtəsinə qədər məsafə daxildir. O, həmçinin digər ölkələrdə keçirilən yarışlarda, o cümlədən, Bəhreyn, İtaliya, Belçikada da aktiv iştirak edir. Bu il Bakıda keçirilmiş yarış Teymur Axundov üçün 15-ci olub.

“Hər bir şəxs marşal ola bilər, lakin məsuliyyətli, diqqətli, çevik və qəza anında düzgün qərar vermək bacarığına sahib olmalıdır. Marşallar – yarış zamanı yarana biləcək müxtəlif halları aradan qaldırmağa hazır ola bilən hərtərəfli bacarıqlara malik şəxslərdir. Dünyada keçirilən bütün Formula 1 yarışlarının təşkilatçılığında və keçirilməsində marşallar böyük əhəmiyyət daşıyır. Təşkilatçılar sırasında Bakı Şəhər Halqası və Bakı Marşallar Klubunu da qeyd etmək lazımdır. Digər tərəfdən isə sevindirici haldır ki, bu gün “Financial Chain Corporation” şirkətini 2024 Formula 1 Azərbaycan Qran Prisinin Marşalı kimi təmsil edirəm”, – deyə FCHAIN-nin Çexiya üzrə direktoru Teymur Axundov fikirlərini bölüşüb.

Qeyd edək ki, Formula 1 aləmində marşallara həmçinin “Yarış rəsmiləri” də deyilir. Onların işi Formula 1 pilotlarının təhlükəsizliyinin təminatında və bütün marşal komandasının inzibati təşkilatçılığında həyati əhəmiyyət daşıyır.

Belə ki, bu məsuliyyətli və qürurverici missiya münasibəti ilə FCHAIN-nin Çexiya rəhbəri Teymur Axundovu təbrik edir, fəaliyyətində uğurlar arzulayırıq. Səsiniz hər zaman yüksəklərdən sürətlə gəlsin! Formula 1 sürəti kimi…