® “P&G” 30 min ehtiyac sahibinə “Ümid” bağışlayıb
“Procter&Gamble” şirkəti Azərbaycan Qızıl Aypara Cəmiyyəti ilə birgə 30 min ehtiyac sahibinə “Ümid 2020” Gigiyena Bağlaması paylayıb. “Bir damın altında ümidlə sabaha!” şüarlı bu fəaliyyətdə “P&G” müştərisi olan hər kəsin payı var. “P&G” brendlərinin reklam kampaniyalarının siması olmuş və olan tanınmış şəxslər də şirkətin bu addımına qoşulublar. Yardım “Procter&Gamble” şirkətinin Avropada COVID-19 pandemiyası əleyhinə fəaliyyətinin tərkib hissəsidir. Bir müddət əvvəl “P&G” şirkəti Azərbaycanda pandemiya ilə bağlı karantində olan şəxslərə və karantin üçün nəzərdə tutulmuş məkanlara çatdırılması üçün öz məhsullarından ayırıb, İcbari Tibbi Sığorta Agentliyinə təhvil verib.
Ümumilikdə “Procter&Gamble” şirkəti Azərbaycanda COVID-19 pandemiyası əleyhinə fəaliyyəti üçün 250 min AZN dəyərində məhsul ianə edib.
“Biz öz brendlərimizin məhsulları ilə insanların məişət həyatını rahatlandırmaqla yanaşı, fəaliyyət göstərdiyimiz cəmiyyətin bir parçası olmağa çalışırıq. 20 ildən artıq müddətdə Azərbaycan istehlakçısına yüksək keyfiyyətli və geniş çeşidli məhsullar təqdim edərək ölkədə demək olar ki, hər evdə azı 1 “P&G” məhsulu olmasına nail olmuşuq. Müştərilərimizə dərin təşəkkürlərimizi bildirərək qeyd etmək istəyirəm ki, ehtiyac sahiblərinə çatan bu bağlamaların hər birində aldıqları məhsullardan bizə verdikləri qiymət ilə onların da qatqısı var. Eyni səma altında yaşadığımız dünyada ümidlə sabaha baxmaq üçün əlbir olmaq, bir-birinin qayğısına qalmaq vacibdir”, - deyə “P&G” şirkətinin Qafqaz və Mərkəzi Asiya respublikaları üzrə baş direktoru Değer Kurtaslanoğlu belə bildirib.
“Hazırda COVID-19 pandemiyasının yüksək aktuallığı zamanı Qızıl Aypara Cəmiyyəti, onun rəhbərliyi öz könüllü və işçi heyəti ilə bütün daxili imkanlarını səfərbər edərək, zəruri yardımların ehtiyaclı qruplara paylanılmasında, əhalinin maarifləndirilməsində, qabaqlayıcı tədbirlərin həyata keçirilməsində əlindən gələni əsirgəmir. COVID-19-a qarşı həyata keçirilən tədbirlər silsiləsində dünyada öz brendləri ilə məşhur olan “Procter&Gamble” şirkəti tərəfindən Qızıl Aypara Cəmiyyətinə verilmiş gigiyenik bağlamaların vacib rolunu xüsusilə vurğulamaq istərdim. Şirkət tərəfindən ayrılmış yardımların “Bir damın altında ümidlə sabaha!” şüarı ilə ehtiyaclı insanlara çatdırılması bir daha “P&G” şirkətinin humanitar layihələrə verdiyi dəstəyin bariz nümunəsidir. Bununla yanaşı şirkət tərəfindən Beynəlxalq Qızıl Xaç və Qızıl Aypara Hərəkatının ölkədəki təmsilçisi olan Qızıl Aypara Cəmiyyətinin vasitəsilə belə bir addımın atılması beynəlxalq hərəkatla gələcək əməkdaşlıq münasibətlərinin inkişaf etdirilməsindən və genişləndirilməsindən xəbər verir. Biz cəmiyyətimiz adından şirkətin bütün kollektivinə öz dərin təşəkkürümüzü bildiririk və gələcək humanitar təşəbbüslərdə uğurlar arzulayırıq”, - deyə Azərbaycan Qızıl Aypara Cəmiyyətinin İcraçı Katibi Ceyhun Mirzəyev qeyd edib.
“P&G” şirkəti Azərbaycanda COVID-19 pandemiyası ilə bağlı karantində olan şəxslərə və karantin üçün nəzərdə tutulmuş məkanlara çatdırılması üçün 2,5 ton “Ariel” yuyucu toz, 1 ton “Head & Shoulders” şampunu, 250 litr “Blendamed” diş məcunu, eləcə də minlərlə “Gillette” ülgücü, “Oral-B” diş fırçası və “Always” qadın bezi ayırıb.
“Procter&Gamble” pandemiya dövründə ictimai ehtiyacları dəstəkləmək üçün atdığı təcili addımları - 3 əsas istiqamətə ayırıb:
Əməkdaşlarının sağlamlığının qorunması və iqtisadi cəhətdən təminatı - pandemiyanın elan etdiyi ilk günlərdən şirkət əməkdaşlarının evdən onlayn, işdə isə məsafə saxlamaqla çalışmasına şərait yaradıb.
İnsanların daha çox ehtiyac duyduğu məhsulların fasiləsiz istehsalı və istehlakçılara çatdırılması - pandemiyanın elan edildiyi ilk günlərdə də, karantin günlərində də insanlar hər zaman alış-veriş etməyə alışdıqları bütün satış nöqtələrində “P&G” təmizlik və gigiyena məhsullarını rahat şəkildə əldə edə biliblər.
Pandemiya ilə ön cəbhədə mübarizə aparan bütün insanları və qurumları dəstəkləmək - şirkət həm tibb işçilərinə, həm karantində saxlanılanlara, həm də pandemiyanın zərərlərini yaşayışında hiss edənlərə öz dəstəyini təqdim edib.
“P&G” öz brendləri ilə dünyada təqribən 5 milyard insana xidmət göstərir. Şirkət “Pampers”, “Tide”, “Ariel”, “Head&Shoulders”, “Always”, “Pantene”, “Fairy”, “Blend-a-med”, “Oral-B”, “Gillette”, “Safeguard” kimi etibarlı, keyfiyyətli və qabaqcıl brendlərdən ibarət ən güclü məhsul çeşidlərinin birinə sahibdir. “P&G” icması dünyanın təqribən 70 ölkəsində fəaliyyət göstərir. “P&G” şirkəti və onun brendləri haqqında ətraflı məlumat almaq və ən son xəbərləri oxumaq üçün “www.pg.com” saytına baş çəkin.
Azərbaycan Qızıl Aypara Cəmiyyəti ölkədə ən böyük humanitar təşkilatdır və Beynəlxalq Qızıl Xaç və Qızıl Aypara Hərəkatının tərkib hissəsi olaraq özünün humanitar missiyasına, qanununa və hərəkatın fundamental prinsiplərinə görə dövlətə köməkçi və yardımçı rolunu yerinə yetirir. Azərbaycan Qızıl Aypara Cəmiyyəti Baş Qərargah, Gənclər komitəsi, Naxçıvan Muxtar Respublikası Komitəsi, 8 regional mərkəzi, 92 yerli və sahə bölmələrindən ibarətdir. Milli Cəmiyyətin 350 minə yaxın üzvü və 25 minə yaxın könüllüsü vardır. Təşkilat haqqında ətraflı məlumat almaq və son xəbərləri oxumaq üçün “http://az.redcrescent.az/” saytına baş çəkin.
Bölmənin digər xəbərləri
