® Silahlı Qüvvələr Günü münasibətilə “Во3” formatında yeni yarış keçiriləcək
Bakı, 25 iyun, Nicat Məmmədov, AZƏRTAC
Azərbaycan Kiberidman Federasiyasının, Gənclər və İdman, eləcə də Nəqliyyat, Rabitə və Yüksək Texnologiyalar nazirliklərinin birgə dəstə ilə 26 iyun - Silahlı Qüvvələr Gününə həsr olunan “Во3” formatında yeni yarış keçiriləcək.
AZƏRTAC xəbər verir ki, “Gaming League Azerbaijan” tərəfindən təşkil olunan turnirdə Azərbaycanla yanaşı, qardaş Türkiyənin də “geymerləri” iştirak edəcəklər.
Olimpiya sistemi üzrə keçiriləcək yarışda Azərbaycan və Türkiyənin iki komandası mübarizə aparacaq. Yarımfinal və final görüşləri müvafiq olaraq iyunun 25-26-da olacaq.
“Gaming League Azerbaijan”ın rəhbəri Adil Mahmudov yarışın əhəmiyyəti barədə məlumat verərək deyib: “26 iyun - Silahlı Qüvvələr Gününə həsr olunan turnirdə Azərbaycan və qardaş Türkiyə təmsil olunacaq. Hər iki ölkədən ən yaxşı iki komanda final mərhələsində çıxış edəcək. Bu gün ölkələrimiz Türkiyə ilə bütün sahələrdə əməkdaşlıq edir. Azərbaycan ilə Türkiyə arasında kiberidman sahəsində də əlaqələrimiz mövcuddur. Hesab edirik ki, bu yarış hər iki ölkədə kiberidmanın təbliği baxımından böyük rol oynayacaq”.
Bölmənin digər xəbərləri
