Rusiya İranda Rəşt-Astara dəmir yolu xəttinin tikintisinə başlamağı planlaşdırır
Bakı, 15 oktyabr, AZƏRTAC
2027-ci ildə Rusiya və İran Rəşt-Astara dəmir yolu xəttinin tikintisinə başlamağı və işləri üç il ərzində başa çatdırmağı planlaşdırır.
AZƏRTAC xəbər verir ki, bu sözləri “Rusiya Dəmir Yolları” ASC-nin baş direktorunun 1-ci müavini Sergey Pavlov Astanada keçirilən 8-ci “New Silk Way” Beynəlxalq Nəqliyyat və Logistika Biznes Forumunda deyib.
O bildirib ki, layihə üzrə işlər həyata keçirilir, tədqiqat işləri tam sürətlə davam edir.
“Cari ilin əvvəlində başlayan hərbi əməliyyatlar səbəbindən fasilə yaranmışdı. Artıq işlər bərpa olunub”, - deyə S.Pavlov vurğulayıb.
Rəşt-Astara dəmir yolu “Şimal-Cənub” Beynəlxalq Nəqliyyat Dəhlizinin əsas seqmentidir və Qəzvin-Rəşt-Astara(İran)-Astara(Azərbaycan) dəmir yolunun tərkib hissəsidir. İran, Azərbaycan və Rusiyanın dəmir yolları sistemlərini birləşdirəcək 162 kilometrlik bu yol Şimali Avropa, Rusiya, Cənubi Qafqaz regionundakı dövlətlərini Körfəz ölkələri ilə əlaqələndirir.
Bölmənin digər xəbərləri
