Albaniyada baş verən iğtişaşlarda 29 nəfər yaralanıb
Bakı, 15 oktyabr, AZƏRTAC
Albaniyanın paytaxtı Tiranada hökumət əleyhinə keçirilən nümayişlərdə xəsarət alanların sayı 29-a çatıb.
AZƏRTAC xəbər verir ki, bu barədə "Albanian Post" qəzeti məlumat yayıb. Bildirilir ki, Tiranadakı Universitet Travma Xəstəxanasında müalicə alanlar arasında 23 polis əməkdaşı, 5 etirazçı və 1 hadisə şahidi var.
Tiranada ardıcıl ikinci gündür davam edən gərginlik oktyabrın 13-də Təhsil Nazirliyinin qarşısında tələbələrin aksiyası ilə başlayıb. Baş nazir Edi Ramanın istefasını tələb edən nümayişçilər hökumət başçısının iqamətgahına daxil olmağa cəhd göstəriblər. Polis müqaviməti ilə qarşılaşdıqdan sonra qruplara bölünən etirazçılar şəhər mərkəzindəki dövlət binalarına zərər vurmağa başlayıblar. İğtişaşlar nəticəsində Parlament, Ədliyyə Nazirliyi və Dövlət Arxivi olmaqla, bir neçə dövlət qurumunun binası zədələnib.
Bölmənin digər xəbərləri
