"Benfika" Joze Mourinyo ilə danışıqlar aparıldığını təsdiqləyib
Bakı, 18 sentyabr, AZƏRTAC
Portuqaliyanın "Benfika" komandasının yeni baş məşqçisi müəyyənləşib.
AZƏRTAC klubun rəsmi saytına istinadən xəbər verir ki, bu vəzifəyə Joze Mourinyo təyin ediləcək.
Bildirilib ki, məşhur mütəxəssislə danışıqlar gedir və yaxın saatlarda yekunlaşacaq. Mourinyonun bu gün günortadan sonra komandanı məşqə çıxaracağı gözlənilir.
Qeyd edək ki, son iş yeri Türkiyənin "Fənərbağça" klubu olan Joze Mourinyo "Benfika"da Çempionlar Liqasının əsas mərhələsinin ilk turunun "Qarabağ"la oyunundan (2:3) sonra istefaya göndərilən Brunu Lajeni əvəzləyəcək.
Bölmənin digər xəbərləri
