Abbas Abbasov: Məqsədimiz xalqların hüquqlarına hörmət edilən ədalətli bir dünyanı dəstəkləməkdir
Bakı, 3 iyun, AZƏRTAC
Bakıda keçirilən bu ilk beynəlxalq elmi konfransın məqsədi müstəmləkə ideologiyalarının necə formalaşdırıldığını, institusionallaşdırıldığını və əsaslandırıldığını, həmçinin onların təsirlərinin bugünkü qlobal dinamikanı necə formalaşdırmağa davam etdiyini daha dərindən anlamağa şərait yaratmaqdır. Məqsədimiz bütün xalqların öz müqəddəratını təyinetmə, bərabərlik və mədəni muxtariyyət hüququna tam hörmət göstərilən bir dünyanın intellektual və mənəvi əsaslarını dəstəkləməkdir.
AZƏRTAC xəbər verir ki, bunu Bakı Təşəbbüs Qrupunun icraçı direktoru Abbas Abbasov “İmperial quruluş: müstəmləkəçilik ideologiyaları və reallıqlar” mövzusunda beynəlxalq elmi konfransın açılışında deyib.
O, konfrans iştirakçılarını sessiyalarda fəal iştirak etməyə çağıraraq mövcud stereotipləri sorğulamağa, təcrübələrini bölüşməyə və konstruktiv, gələcəyə yönəlik dialoqa töhfə verməyə dəvət edib. “Bu müzakirələrin məqsədi təkcə keçmişi anlamaq deyil, eyni zamanda, ədalətli və bərabərhüquqlu bir gələcək qurmaqdır”, - deyə A.Abbasov əlavə edib.
Bölmənin digər xəbərləri
