ABŞ-da kommersiya neft ehtiyatları 417 milyon bareldən aşağı enib
Bakı, 8 sentyabr, AZƏRTAC
Ötən həftənin yekunlarına görə, ABŞ-da kommersiya neft ehtiyatları 6 milyon 307 min barel azalaraq 416 milyon 637 min barel təşkil edib.
AZƏRTAC xəbər verir ki, bu barədə məlumat ABŞ-ın Energetika Nazirliyi yanında Energetika İnformasiyası Administrasiyasının (EIA) dərc etdiyi hesabatda əksini tapıb.
Məlumata əsasən, bundan öncə analitiklər ABŞ-ın kommersiya neft ehtiyatlarının 2064 min barel azalacağını proqnozlaşdırırdı.
Xatırladaq ki, ABŞ-ın neft ehtiyatları haqqında məlumatlar dünya bazarında “qara qızıl”ın qiymətinə əhəmiyyətli dərəcədə təsir edir.
Bölmənin digər xəbərləri
