ABŞ Dövlət Departamentinə iş üçün rekord sayda müraciət daxil olub
Bakı, 23 oktyabr, AZƏRTAC
ABŞ Dövlət Departamentinə diplomatik xidmətə qəbul üçün müraciət edənlərin sayı son on ilin maksimum həddinə çatıb.
AZƏRTAC xəbər verir ki, qurum bu artımı ABŞ Prezidenti Donald Trampın xarici siyasət kursu ilə əlaqələndirir. Məlumata görə, Trampın 2025-ci ilin əvvəlində baş tutan andiçmə mərasimindən bəri diplomatik xidmətə qəbul üçün 5,7 min ərizə daxil olub. Müqayisə üçün qeyd edək ki, Cozef Baydenin prezidentliyinin əvvəlində Dövlət Departamentinə 1,5 min belə ərizə verilmişdi.
İyulun 11-də “Associated Press” agentliyi Dövlət Departamentində 1,3 min nəfərin ixtisar ediləcəyi barədə məlumat yaymışdı. Bu, ABŞ dövlət katibi Marko Rubionun qurumda maliyyə qənaəti və ideoloji dəyişiklikləri hədəfləyən islahat planının tərkib hissəsi idi. “The Washington Post” qəzetinin məlumatına görə, plan çərçivəsində bir neçə konsulluğun və bəzi xarici proqramların bağlanması da nəzərdə tutulur.
Bölmənin digər xəbərləri
