ABŞ iki rus diplomatını ölkədən çıxarır
Bakı, 7 oktyabr, AZƏRTAC
Birləşmiş Ştatlar Rusiya Federasiyasının son analoji addımına cavab olaraq iki rus diplomatından Amerika ərazisini tərk etməyi tələb edib.
AZƏRTAC xəbər verir ki, bu barədə Dövlət Departamentinin mətbuat xidmətindən məlumat verilib.
“Dövlət Departamenti Rusiya Federasiyasının ABŞ-ın Moskvadakı səfirliyindən iki diplomatı qovmasına cavab olaraq, Birləşmiş Ştatlarda çalışan Rusiya səfirliyinin iki əməkdaşını persona non-qrata elan edib”, - deyə bildirilib.
Qeyd edək ki, Rusiya Xarici İşlər Nazirliyi ABŞ səfirliyinin 1-ci və 2-ci katiblərini persona non-qrata elan etmişdi.
Bölmənin digər xəbərləri
