ABŞ kosmik aparatı son 50 ildə ilk dəfə Aya eniş edib
Bakı, 23 fevral, AZƏRTAC
“Intuitive Machines” kompaniyasının kosmik gəmisi 50 ildən sonra Ay səthinə enən ilk Amerika aparatıdır.
AZƏRTAC NASA-nın saytına istinadla xəbər verir ki, “Odissey” adlı aparat Ayın Cənub Qütbünə enib. O, NASA-nın texniki avadanlıqlarını və digər kommersiya yüklərini Aya çatdırıb.
“Odissey” ötən həftənin cümə axşamı “SpaceX” kompaniyasının “Falcon 9” raketi ilə NASA-nın Floridadakı Kennedi Kosmik Mərkəzindən fəzaya buraxılıb. Bu,“Intuitive Machines”in Ay səthinə ilk robot uçuşudur. Kod adı IM-1 olan missiyanın Ayda 14 gün fəaliyyət göstərəcəyi gözlənilir.
NASA-nın məlumatına görə, eniş aparatı, həmçinin dəqiq eniş texnologiyalarının, rabitə və naviqasiya qovşağının imkanlarını sınaqdan keçirəcək.
Qeyd edək ki, ABŞ-ın Aya son eniş missiyası 1972-ci ilin dekabrında, “Apollon” proqramı çərçivəsində baş tutmuşdu.
Bölmənin digər xəbərləri
