ABŞ-nin gündəlik neft hasilatı 13,8 milyon barel səviyyəsindədir
Bakı, 25 iyun, AZƏRTAC
ABŞ-nin sutkalıq xam neft istehsalı ötən hesabat həftəsində cüzi artıb.
AZƏRTAC ABŞ-nin Enerji İnformasiya Administrasiyasının (EIA) məlumatına istinadla xəbər verir ki, Birləşmiş Ştatların neft hasilatı 13 min barel artaraq sutkada orta hesabla 13 milyon 819 min barel səviyyəsində olub.
Ötən həftə ABŞ-nin neft idxalı əvvəlki həftəyə görə 436 min barel artaraq sutkalıq 5 milyon 570 min barel, neft ixracı da əvvəlki həftə ilə müqayisədə 342 min barel çoxalaraq gündəlik 4 milyon 669 min barel təşkil edib.
EIA-nın proqnozuna görə, cari ildə Birləşmiş Ştatların neft hasilatının gündəlik orta hesabla 13 milyon 720 min barel olacağı gözlənilir.
Bölmənin digər xəbərləri
