ABŞ-nin zərbələrindən sonra Tehran-Məşhəd dəmir yolu reysləri dayandırılıb
Bakı, 9 iyul, AZƏRTAC
İran cümə axşamı günü bildirib ki, ABŞ-nin dəmir yolu xəttinin bir hissəsinə hücumundan sonra Tehran və Məşhəd arasında qatarların hərəkəti dayandırılıb. AZƏRTAC xəbər verir ki, bu barədə İranın dövlət televiziyası IRIB məlumat yayıb.
Məlumatda qeyd olunub ki, cümə axşamı günü xəttin bir hissəsinə hücumdan sonra Tehran-Məşhəd marşrutu üzrə sərnişin qatarlarının hərəkəti dayandırılıb. Dəmir yolu rəhbərliyi texniki və əməliyyat qruplarının dərhal əraziyə göndərildiyini və zədələnmiş hissəni mümkün qədər tez bərpa etmək üçün yenidənqurma işlərinin aparıldığını bildirib. Fasilə səbəbindən vağzallarda qalan sərnişinlər avtomobil yolu ilə Məşhəd şəhərinə daşınacaq.
Cümə axşamı günü “Mehr” xəbər agentliyi ölkənin Gülüstan əyalətinin şimalında bir körpünün də vurulduğunu bildirib.
ABŞ rəsmisi “Axios”a bildirib ki, Amerika ordusu çərşənbə günü keçirilən hücumların bir hissəsi olaraq İranın şimalındakı iki dəmir yolu körpüsünü qanadlı raketlərlə hədəfə alıb. Bu, aprelin 8-də atəşkəsin qüvvəyə minməsindən bəri ABŞ-nin İranın nəqliyyat infrastrukturuna ilk hücumu olub.
Bölmənin digər xəbərləri
