ABŞ Prezidenti: 15 maddənin çoxu barədə razılıq əldə olunub
Bakı, 8 aprel, AZƏRTAC
Birləşmiş Ştatlar İranla sıx əməkdaşlıq edəcək. Uran zənginləşdirilməyəcək. ABŞ İranla birlikdə işləyərək dərin basdırılmış nüvə qalıqlarını çıxarıb ləğv edəcək.
AZƏRTAC xəbər verir ki, ABŞ Prezidenti Donald Tramp “Truth Social” hesabında bu barədə yazıb.
Donald Tramp bildirib ki, Vaşinqton hazırda Tehranla tariflər və sanksiyalar məsələsini müzakirə edir: "Biz İranla tariflər və sanksiyaların yumşaldılması məsələləri üzrə danışıqlar aparırıq və aparacağıq. 15 bənddən bir çoxu artıq razılaşdırılıb. ABŞ İranla yaxından işləyəcək. Bizim fikrimizcə, orada çox səmərəli rejim dəyişikliyi baş verib”.
Qeyd edək ki, İran və ABŞ bu gecə iki həftəlik atəşkəs barədə razılığa gəliblər.
Bölmənin digər xəbərləri
