ABŞ Prezidenti özünü qlobal sülhməramlı adlandırıb
Bakı, 30 sentyabr, AZƏRTAC
ABŞ Prezidenti Donald Tramp çərşənbə axşamı Amerika hərbi rəhbərliyi ilə görüşündəki çıxışında çoxsaylı müharibə və münaqişələri həll etdiyi ilə bağlı açıqlamalarını təkrarlayıb, lakin Nobel Sülh Mükafatını almayacağını proqnozlaşdırıb.
AZƏRTAC “Reuters” agentliyinə istinadla xəbər verir ki, Donald Tramp çox vaxt beynəlxalq münaqişələrin həllində uğurlarını misal gətirib, özünü qlobal sülhməramlı adlandırıb.
“Siz Nobel mükafatını alacaqsınız? Qətiyyən yox. O, heç nə etməmiş bir kişiyə veriləcək. Nobel mükafatı Donald Trampın düşüncəsi və müharibələri necə başa vurmaq qərarına gəldiyi haqqında kitab yazan birinə veriləcək”, - deyə ABŞ Prezidenti bildirib.
O, uğurlarına Ermənistanla Azərbaycan, Kamboca ilə Tailand, Hindistan və Pakistan, Serbiya ilə Kosovo arasında münaqişələrin həllini aid edib.
Bölmənin digər xəbərləri
