ABŞ seysmoloqları Venesuelada çoxsaylı insan tələfatı ilə bağlı proqnoz veriblər
Bakı, 25 iyun, AZƏRTAC
Venesuelada baş verən zəlzələ çoxsaylı insan tələfatına və ciddi ziyana səbəb ola bilər.
AZƏRTAC xəbər verir ki, bu barədə ABŞ Geoloji Xidmətinin yaydığı məlumatda qeyd olunub.
“ABŞ Geoloji Xidməti çox sayda itki və ziyanın olacağını təxmin edir. Fəlakətin genişmiqyaslı olacağı ehtimal edilir”, - deyə məlumatda qeyd olunub.
Bununla yanaşı, ABŞ Geoloji Xidməti Venesueladakı zəlzələnin maqnitudasını 7,5 bal gücündə hesab edib. Xidmət daha əvvəl təkanların maqnitudasını 7,1 bal olaraq qiymətləndirib. Lakin bu qiymətləndirmə yenidən nəzərdən keçirilib. Məlumata görə, 7,1 və 7,5 bal gücündə iki silsilə təkan bir-birindən bir dəqiqəlik fərqlə qeydə alınıb. Onların episentrləri Venesuelanın Yarakuy əyalətində bir-birindən 10 kilometr məsafədə yerləşib.
Bölmənin digər xəbərləri
