ABŞ və İran sülh təklifini nəzərdən keçirir
Bakı, 6 aprel, AZƏRTAC
ABŞ və İran hərbi əməliyyatlara son qoymaq üçün çərçivə planı alıb.
AZƏRTAC xəbər verir ki, çərçivə planının əldə edilməsindən bir gün əvvəl Prezident Donald Tramp İranın müvəqqəti atəşkəsin bir hissəsi olaraq Hörmüz boğazını açmayacağı təqdirdə Tehranı “cəhənnəm yaşayacağı” ilə hədələyib.
“Reuters” xəbər verir ki, sülh planı iki mərhələdən ibarət yanaşmanı nəzərdə tutur: dərhal atəşkəsin təmin edilməsi və ardınca hərtərəfli razılaşma. Təkliflərlə tanış olan mənbə bazar ertəsi günü bildirib ki, Pakistan ordusunun baş feldmarşalı Asim Munir gecə boyu ABŞ Vitse-prezidenti Cey. Di. Vens, xüsusi elçi Stiv Uitkoff və İranın xarici işlər naziri Abbas Əraqçi ilə əlaqə saxlayıb. İran müvəqqəti atəşkəsin bir hissəsi olaraq boğazı yenidən açmayacağını bəyan edib. Bu barədə bazar ertəsi günü “Reuters”ə bu ölkənin yüksəkvəzifəli rəsmisi bildirib və əlavə edib ki, İranın təklifi nəzərdən keçirdiyi vaxtda heç bir müddət qəbul edilməyəcək.
Bazar günü “Axios” Amerika, İsrail və bölgədəki mənbələrə istinadla ABŞ, İran və regional vasitəçilərin müharibənin daimi sonuna gətirib çıxara biləcək iki mərhələdən ibarət razılaşmanın bir hissəsi olaraq potensial 45 günlük atəşkəsi müzakirə etdiyini bildirib.
Bölmənin digər xəbərləri
