Abşeron rayonunda karantin qaydalarını pozan kafe aşkarlanıb
Bakı, 27 noyabr, AZƏRTAC
Abşeron rayonunda karantin qaydalarını pozaraq müştərilərə gecə saat 00:00-dan sonra xidmət göstərən kafe aşkarlanıb.
Daxili İşlər Nazirliyinin mətbuat xidmətindən AZƏRTAC-a verilən məlumata görə, Abşeron Rayon Polis İdarəsinin əməkdaşları inzibati ərazidə xidmət aparan zaman Masazır qəsəbəsindəki “Kral” kafesinin saat 00:20 radələrində müştərilərə xidmət göstərdiyini müəyyənləşdiriblər. Obyektin fəaliyyəti dərhal polis əməkdaşları tərəfindən dayandırılıb, kafenin sahibi İ.Hüseynov və altı müştəri saxlanılaraq polis idarəsinə dəvət edilib. Müştərilər və kafenin sahibi barəsində inzibati qaydada tədbir görülüb və onların hər biri cərimə olunub. Həmin şəxslərlə profilaktik söhbətlər aparılıb və karantin qaydalarına əməl olunmasının vacibliyi bir daha onların diqqətinə çatdırılıb.
Bölmənin digər xəbərləri
