AFFA-DA MƏTBUAT KONFRANSI OLMUŞDUR
Ölkəmizdə futbolun inkişafı məqsədi ilə hakimlər üçün mütəmadi olaraq seminar-məşğələlərin keçirilməsindən, gənc hakimlərin peşəkarlıq səviyyəsinin artırılması və onların gələcəkdə ölkə çempionatının və beynəlxalq yarışların oyunlarını uğurla idarə etmələri üçün müxtəlif tədbirlərin görülməsindən danışan Ə.Hüseynov oktyabrın 22-də “Turan”-“İnter” oyunundan sonra baş vermiş bəzi hadisələrə öz münasibətini bildirmişdir. Görüşün baş hakimi Xaqani Məmmədovun oyundan sonra qeyri-qanuni olaraq qalib komandanın - “İnter”in rəhbərliyi ilə görüşdüyünü və müəyyən məsələlər ətrafında söhbət apardığını diqqətə çatdıran Ə.Hüseynov bunun Azərbaycan futboluna ləkə gətirəcək hərəkət olduğunu qeyd etmişdir.
Ə.Hüseynov bu məsələnin ciddi araşdırıldığını və Komitənin qərarı ilə Xaqani Məmmədovun ölkə çempionatının oyunlarını idarə etmək hüququndan məhrum olunduğunu, habelə FİFA referiliyindən geri çağırıldığını, FİFA referiliyində onu əvəz etmək üçün gənc və təcrübəli hakim Vüsal Əliyevin namizədliyinin irəli sürüldüyünü bildirmişdir.
Bölmənin digər xəbərləri
