Ağcabədidə ödəmə terminalından oğurluğa cəhd etməkdə şübhəli bilinən şəxs saxlanılıb
Ağcabədi, 25 yanvar, AZƏRTAC
Ağcabədi rayonunda ötən il ödəmə terminalından oğurluğa cəhd etməkdə şübhəli bilinən şəxs saxlanılıb.
Daxili İşlər Nazirliyinin mətbuat xidmətinin Bərdə regional qrupundan AZƏRTAC-ın bölgə müxbirinə verilən məlumata görə, ötən ilin avqust ayında mağazaların birində yerləşən içərisində 8860 manat olan ödəmə terminalından oğurluğa cəhd edilməsi ilə bağlı Ağcabədi Rayon Polis Şöbəsinə məlumat daxil olub. Davam etdirilən əməliyyat-axtarış tədbirləri nəticəsində əməli törətməkdə şübhəli bilinən şəxsin əvvəllər dəfələrlə məhkum olunmuş, rayon sakini Nahid Kərimov olduğu müəyyən edilib. O, Bakı şəhəri ərazisində saxlanılaraq istintaqa təhvil verilib.
Faktla bağlı Ağcabədi RPŞ-də cinayət işi başlanılıb, araşdırmalar davam etdirilir.
Bölmənin digər xəbərləri
