Ağdam məktəbində Xocalı faciəsi qurbanlarının xatirəsi anılmışdır
Ağdam, 24 fevral (AZƏRTAC). 18 nömrəli Ağdam məktəbində Xocalı faciəsinin ildönümünə həsr olunmuş anma mərasimi keçirilmişdir. Mərasim iştirakçıları əvvəlcə faciə qurbanlarının xatirəsini bir dəqiqəlik sükutla yad etmişlər.
Yeni Azərbaycan Partiyası Ağdam rayon təşkilatı gənclər birliyinin sədri Amil Cavadov, rayon gənclər və idman idarəsinin rəisi Elnur Əhmədov, məktəbin direktoru Sürəyya Bayramova və başqaları tədbirdə çıxış edərək 19 il əvvəl erməni millətçiləri tərəfindən Xocalıda dinc əhaliyə qarşı törədilən faciədən danışmış, qətliamı təkcə xalqımıza qarşı deyil, bütün bəşəriyyətə qarşı törədilmiş cinayət adlandırmışlar.
Tədbirdə şagirdlərin ifasında ədəbi-bədii kompozisiya nümayiş etdirilmişdir. Şagirdlərə Xocalı faciəsindən bəhs edən broşürlər paylanmışdır.
Bölmənin digər xəbərləri
