Ağdamın “Qarabağ” klubu Danimarkanın “Brondbü” komandası ilə qarşılaşacaq
Bakı, 29 iyun, AZƏRTAC
Avstriyada təlim-məşq toplanışını davam etdirən Ağdamın “Qarabağ” futbol klubunun sonuncu - dördüncü yoxlama matçında rəqibi məlum olub.
AZƏRTAC kluba istinadla xəbər verir ki, Ağdam təmsilçisi Danimarkanın “Brondbü” komandası ilə qarşılaşacaq.
Matç iyulun 2-də keçiriləcək və yerli saatla saat 18:00-da (Bakı vaxtı ilə 20:00) start götürəcək.
Qeyd edək ki, Ağdam klubu ilk üç yoxlama matçında Rusiya təmsilçisi “Axmat”a 0:1, Bolqarıstanın MOİK komandasına 2:5, Moskva “Dinamo”suna isə 0:1 hesabı ilə məğlub olub.
Bölmənin digər xəbərləri
