Ağdərə sakini: Doğma torpaqlara Böyük Qayıdışın şahidləri və iştirakçılarıyıq
Tərtər, 5 aprel, Tahir Ağaməmmədov, AZƏRTAC
“Çox böyük tarixi hadisələrin şahidi oluruq. 2020-ci ildə Ordumuzun tarixi qələbəsinin sevincini və qürurunu yaşadıq. İşğal altında olan torpaqlarımız azad edildi. İndi isə Qarabağımızın yenidən qurulmasının, doğma torpaqlara Böyük Qayıdışın şahidləri və iştirakçılarıyıq”.
AZƏRTAC-ın bölgə müxbiri xəbər verir ki, bu sözləri bu gün Ağdərə rayonunun Suqovuşan kəndinə köç edən keçmiş məcburi köçkün Kamandar Həsənov söyləyib.
“Bu tarixi anları bizə Müzəffər Ali Baş Komandan və şanlı Ordumuz yaşatdı. Prezidentimizə, hərbçilərimizə öz adımdan, ailəm adından sonsuz minnətdarlığımı bildirirəm. Allahdan şəhidlırimizə rəhmət, qazilərə cansağlığı diləyirəm”, - deyə keçmiş məcburi köçkün bildirib.
Bölmənin digər xəbərləri
