Ağstafada Xocalı soyqırımının iyirminci ildönümü silsilə anma tədbirləri ilə qeyd olunur
Ağstafa, 21 fevral (AZƏRTAC). Ağstafada XX əsrin ən dəhşətli soyqırımı olan Xocalı faciəsi qurbanlarının xatirəsinin anılması məqsədilə geniş tədbirlər planı hazırlanmışdır.
Rayon icra hakimiyyətindən AZƏRTAC-a bildirmişlər ki, tədbirlər planına əsasən, Ağstafanın bütün idarə, müəssisə və təşkilatlarında Xocalı soyqırımının iyirminci ildönümünə həsr olunmuş anma mərasimləri keçirilir. Yerlərdə faciədən bəhs edən fotosərgilər təşkil olunur, sənədli filmlər nümayiş etdirilir.
Bundan əlavə, fevralın 24-də rayonun ümumtəhsil məktəblərində ilk dərslər Xocalı soyqırımına həsr olunacaqdır. Fevralın 26-da isə saat 17.00-da rayon ərazisində Xocalı soyqırımı qurbanlarının xatirəsi bir dəqiqəlik sükutla yad ediləcək və mədəniyyət evində faciəyə həsr olunmuş ədəbi-bədii gecə keçiriləcəkdir.
Bölmənin digər xəbərləri
