AĞSTAFALILAR PREZİDENTLƏ GÖRÜŞLƏRİNDƏN SONSUZ QÜRUR HİSSİ KEÇİRİRLƏR

23.06.2004 [00:32]
Çap et
A⁺ A^-

AZƏRTAC-ın müxbiri xəbər verir ki, Prezident İlham Əliyevin Ağstafa rayonunda əhali ilə görüşlərinin yekunlarına həsr olunmuş yığıncaq keçirilmişdir.

Yığıncağı rayon icra hakimiyyətinin başçısı Cümşüd Musayev açaraq bildirmişdir ki, Prezident İlham Əliyevin rayona gəlişi, ağstafalılarla keçirdiyi görüşlər insanlarda böyük ruh yüksəkliyi doğurmuşdur. Mən əminəm ki, ölkəmizin rəhbəri İlham Əliyevin ağstafalıların əməyinə verdiyi yüksək qiymət onları daha yaxşı işləməyə ruhlandıracaqdır.

Yığıncaqda çıxış edənlər Azərbaycanın ümummilli lideri Heydər Əliyevin layiqli davamçısı Prezident İlham Əliyevin xalqın yaşayış tərzinin yüksəlməsi üçün bütün imkanlardan istifadə etdiyini vurğuladılar və bu qayğıya, diqqətə əməli işlə cavab verəcəklərini dedilər.

Sonda toplantı iştirakçıları Prezident İlham Əliyevə müraciət qəbul etmişlər.