Aİ Komissarı Hörmüz boğazının bağlı qalmasının fəlakətli nəticələri barədə xəbərdarlıq edib
Bakı, 21 aprel, AZƏRTAC
Aİ-nin nəqliyyat və turizm komissarı Apostolos Tsitsikostas xəbərdarlıq edib ki, əgər Hörmüz boğazından gəmiçilik bərpa olunmazsa, nəticələr təkcə Avropa üçün deyil, bütün dünya üçün fəlakətli olacaq.
AZƏRTAC xəbər verir ki, komissarın sözlərinə görə, Brüssel ABŞ da daxil olmaqla, aviasiya yanacağının alternativ mənbələrini tapmaq üzərində işləyir.
Komissarın bu açıqlaması yaranmış böhranla bağlı Aİ ölkələri nəqliyyat nazirlərinin təcili videokonfransı zamanı verilib.
Tsitsikostas bildirib: “Qarşıdakı həftələrdə və ya aylarda uçuşların geniş miqyasda ləğv olunacağına dair heç bir əlamət yoxdur və bu mərhələdə insanların yaşayış, iş və ya səyahət tərzinə müdaxilə etməyə ehtiyac duyulmur”.
Xəbərdarlıq Avropa hava limanlarında aviasiya yanacağının ciddi çatışmazlığı fonunda edilib. Tsitsikostas vurğulayıb: “Avropa Komissiyası sabah bütün növ yanacaqların tədarükünü həll edəcək və əsas diqqət aviasiya yanacağına yönələcək. Həmçinin Aİ-nin sürətləndirilmiş enerji planı (“Accelerate EU”) təqdim ediləcək”.
Bölmənin digər xəbərləri
