Aİ-nin Rusiya qazından tam imtina edəcəyi tarixi açıqlanıb
Bakı, 20 oktyabr AZƏRTAC
Avropanın Rusiya qazından imtina etməsinə baxmayaraq, Avropa İttifaqına (Aİ) daxil olan bir sıra ölkələr hələ də Rusiyadan təbii qaz idxalına davam edirlər.
AZƏRTAC xarici mətbuata istinadla xəbər verir ki, bu barədə məlumatı Aİ-nin enerji məsələləri üzrə komissarı Dan Yorqensen Brüsselda jurnalistlərə verdiyi açıqlama zamanı deyib.
O bildirib ki, 2022-ci ildə Avropanın qaz təminatının 45 faizi Rusiyadan alınan qazın hesabına ödənilirdi.
“Lakin 2025-ci ilin oktyabr ayında bu rəqəm 13 faizə düşüb. Rusiyadan təbii qaz almaq üçün bağlanan qısamüddətli müqavilələr 2026-cı ilin yanvarına kimi qüvvədə qalacaq. Uzunmüddətli müqavilələrin müddəti isə 2027-ci ilin yanvarına kimi davam edəcək”, - deyə komissar vurğulayıb.
Aİ enerji nazirlərinin iclasında iştirak etmək üçün Brüsselə gedən D.Yorqensen onu da bildirib ki, Aİ Rusiyaya qarşı tətbiq etməyə hazırlaşdığı 19-cu iqtisadi sanksiyalar paketinin tələbinə uyğun olaraq 2027-ci ildən bu ölkədən qaz idxalını tamamilə dayandıracaq.
Bölmənin digər xəbərləri
