Aİ Pfizer/BioNTech vaksininin bir dozasını 15,5 avroya almağa razılaşıb
Bakı, 21 dekabr, AZƏRTAC
Avropa İttifaqı Pfizer və BioNTech kompaniyalarının koronavirus əleyhinə hazırladıqları vaksininin bir dozasına 15,5 avro ödəməyə razılaşıb.
AZƏRTAC Reuters agentliyinə istinadla xəbər verir ki, bu barədə Aİ-nin daxili istifadə üçün yayımlanan sənəddə deyilir.
Üç yüz milyon vaksin dozası üçün razılaşdırılmış qiymət məxfi saxlanılır. Lakin onun ABŞ-ın 100 milyon dozadan ibarət ilk peyvənd partiyası üçün ödədiyi qiymətdən (dozası 19,5 dollar) bir qədər ucuz olduğu məlumdur.
Belçikanın büdcə məsələləri üzrə dövlət katibi Yeva De Bliker özünün “Twitter” səhifəsində təsadüfən koronavirus əleyhinə vaksinin qiyməti barədə məxfi informasiyanı dərc edib. Həmin məlumata əsasən, “Pfizer” və “BioNTech” kompaniyalarının hazırladıqları vaksinin dozasının alış qiyməti 12 avro (14,6 dollar) təşkil etməlidir. Odur ki, bir çoxları bunu Aİ ilə razılaşdırılmış son qiymət hesab ediblər.
Dekabrın 21-də Avropanın Dərman Preparatları Agentliyinin vaksin barədə yekun qərar verəcəyi, dekabrın 27-də isə üzv ölkələrdə eyni vaxtda kütləvi vaksinasiyanın başlanacağı gözlənilir.
Bölmənin digər xəbərləri
