“Air France” hava yolları Yaxın Şərqə olan uçuşları 3 mayadək təxirə salıb
Paris, 9 aprel, AZƏRTAC
Fransanın “Air France” aviaşirkəti Yaxın Şərqə olan uçuşların dayandırılmasını 2026-cı il mayın 3-dək uzatdığını açıqlayıb.
AZƏRTAC xəbər verir ki, bu barədə məlumat şirkət tərəfindən AFP agentliyinə göndərilmiş press-relizdə yer alıb.
Qərar ABŞ və İran arasında atəşkəs elan edilmədən əvvəl qəbul edilib.
“Air France” bildirib ki, təhlükəsizlik vəziyyəti və hava məkanlarının kommersiya uçuşlarına bağlı olması səbəbindən, Tel-Əviv, Beyrut, Dubay və Riyad istiqamətində olan uçuşların 2026-cı il mayın 3-dək dayandırılması məcburidir (Dubaydan yola düşən uçuşlar üçün bu tarix 4 may 2026-cı il olacaq).
Şirkət əlavə edib ki, sərnişinlər və səyahətçilər bu barədə məlumatlandırılacaq və alternativ variantlar təklif olunacaq. Bu qərar regiondakı gərginlik və təhlükəsizlik risklərinin davam etməsi ilə bağlıdır.
Bölmənin digər xəbərləri
