AKF rəhbərliyi Ulu Öndərin 100 illiyi ilə əlaqədar Gürcüstanda ağacəkmə aksiyasında iştirak edib
Bakı, 29 aprel, AZƏRTAC
Ulu Öndər Heydər Əliyevin 100 illik yubileyi ilə bağlı silsilə tədbirlər və aksiyalar davam edir.
Azərbaycan Kikboksinq Federasiyası təmsilçiləri (AKF) bu məqsədlə Gürcüstana səfər edib.
Federasiyadan AZƏRTAC-a bildirilib ki, Milli Məclisin sədr müavini, Gənclər və idman komitəsinin sədri, Azərbaycan Kikboksinq Federasiyasının fəxri prezidenti Adil Əliyev, federasiyanın prezidenti Orxan Əliyev və idarə heyətinin üzvləri Tbilisidə Botanika bağı ərazisində Ulu Öndər Heydər Əliyevin 100 illik yubileyi ilə bağlı ağacəkmə aksiyasında iştirak ediblər.
Daha sonra görkəmli azərbaycanlı ictimai xadimlərin məzarlarını ziyarət ediblər.
Həmçinin AKF rəhbərliyi Gürcüstana səfəri çərçivəsində Marneulidə kikboksçularla görüşüb. Federasiya adından idmançılara idman ləvazimatları hədiyyə olunub.
Bölmənin digər xəbərləri
