Albaniyanın sabiq liderləri Bakıya gələcəklər
Bakı, 21 noyabr, AZƏRTAC
Nizami Gəncəvi Beynəlxalq Mərkəzinin nümayəndələri Rumıniyanın paytaxtı Buxarestdə Albaniyanın sabiq liderləri ilə xüsusi toplantı keçiriblər.
Diasporla İş üzrə Dövlət Komitəsindən AZƏRTAC-a bildirilib ki, toplantıda Mərkəzin üzvləri - Albaniyanın sabiq Prezidenti və sabiq Baş naziri Sali Berişa, bu ölkənin digər keçmiş dövlət başçısı Recep Meydani ilə müzakirələr aparılıb.
Görüşdə III Qlobal Müştərək Cəmiyyətlər Forumuna hazırlıq, Albaniya-Azərbaycan mədəni münasibətlərinin inkişafında Nizami Gəncəvi Beynəlxalq Mərkəzinin rolu və sabiq prezidentlərin verə biləcəyi töhfələrdən söhbət açılıb. Müzakirələrin nəticəsi olaraq Mərkəz ilə birgə Albaniyada müxtəlif layihələrin həyata keçirilməsi razılaşdırılıb.
Albaniyanın müstəqilliyi dövründə çalışmış sabiq liderlər Mərkəzin dəvətini qəbul edərək 2015-ci il ilin aprel ayında Bakıda keçiriləcək III Qlobal Müştərək Cəmiyyətlər Forumunda iştirak edəcəklərini bildiriblər.
Bölmənin digər xəbərləri
