Ali Məhkəmənin Cinayət Kollegiyasının sədri Kürdəmir rayonunda vətəndaşları qəbul edəcək
Bakı, 2 mart, AZƏRTAC
Bölgələrdə vətəndaşların qəbulu cədvəlinə uyğun olaraq martın 6-da Azərbaycan Respublikası Ali Məhkəməsinin Cinayət Kollegiyasının sədri Şahin Yusifov Kürdəmirdə vətəndaşları qəbul edəcək.
Ali Məhkəmənin mətbuat xidmətindən AZƏRTAC-a bildiriblər ki, qəbulda vətəndaşların məhkəmələrin fəaliyyəti ilə bağlı müraciətlərinə baxılacaq.
Vətəndaşların qəbulu Kürdəmir Rayon Məhkəməsində (ünvan: Kürdəmir şəhəri, H.Əliyev prospekti, 22) saat 10:00 başlanacaq.
Vətəndaşlar qəbula Ali Məhkəmədə, Kürdəmir Rayon Məhkəməsində, habelə (012) 489-07-07 (daxili nömrə: 18108), 0502557715 əlaqə nömrələri və ya [email protected] elektron poçt ünvanı vasitəsilə yazıla bilərlər.
Bölmənin digər xəbərləri
