DÜNYA
Alimlər yapon mütəxəssislərinin yaratdıqları kvant kompüterindən ödənişsiz istifadə edəcəklər
Tokio, 21 noyabr, AZƏRTAC
Yapon mütəxəssislər qrupu tərəfindən ölkədə ilk kvant kompüteri yaradılıb və onlar digər alimlərə gələcək həllər üçün bu kompüterlərdən pulsuz istifadəni təklif edirlər.
AZƏRTAC NHK telekanalına istinadla xəbər verir ki, bu kompüter adi superkompüterlə müqayisədə 100 dəfə çox sürətlə əməliyyat aparmaq imkanına malikdir.
Yeni kompüterin imkanlarından istifadə edərək şəhərlərdə avtomobil tıxaclarını aradan qaldırmaq, həmçinin müvafiq kimyəvi maddələrdən lazımi seçimi həyata keçirərək dərman preparatlar hazırlamaq mümkündür .
Tədqiqatçılar bütün dünya üzrə digər həmkarlarına müraciət edərək onları bu inqilabi qurğudan istifadə etməyə dəvət ediblər. Onların qənaətinə görə, bu, yeni proqram təminatının hazırlanmasına və kompüterin xarakteristikasını təkmilləşdirməyə yardım edə bilər.
Vüqar Ağayev
AZƏRTAC-ın xüsusi müxbiri
Tokio