Almaniya bankı Gürcüstana 150 milyon avro kredit ayıracaq
Tbilisi, 21 avqust, AZƏRTAC
Almaniyanın İnkişaf və Yenidənqurma Bankı Gürcüstana 150 milyon avro kredit ayracaq.
AZƏRTAC xəbər verir ki, bunu Gürcüstan Baş naziri Mamuka Baxtadze bəyan edib.
Hökumət başçısı deyib ki, bununla əlaqədar yaxın günlərdə Bankla Gürcüstanın Neft Qaz Korporasiyası arasında kredit müqaviləsi imzalanacaq. Bu vəsait Gürcüstanda yeraltı qaz anbarının infrastrukturunun tikintisinə sərf olunacaq.
Baş nazir deyib: “Yeraltı qaz anbarı bizi bir sıra risklərdən qoruyacaq. Qaz anbarı tikildikdən və istifadəyə verildikdən sonra Gürcüstanda “mavi yanacaq” problemi öz həllini tapacaq. Bu anbar əhalini 30-45 gün müddətinə təbii qazla fasiləsiz təmin etməyə imkan verəcək”.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
