Almaniya daha 60 vətəndaşını İsraildən çıxarıb
Bakı, 16 oktyabr, AZƏRTAC
Yaxın Şərqdə vəziyyətin gərginləşməsindən sonra Almaniyanın daha 60 vətəndaşı Bundesverin təyyarəsi ilə İsraildən təxliyə edilib.
AZƏRTAC xəbər verir ki, bu barədə məlumat Almaniya Silahlı Qüvvələrinin sosial media hesabında yerləşdirilib.
Sərnişinləri daşıyan A400M nəqliyyat təyyarəsi Vunstorf şəhərinə eniş edib. Bu, Bundesverin İsraildən almaniyalıların təxliyəsi üzrə həyata keçirdiyi dördüncü reysidir. İndiyədək İsraildən Almaniyaya 222 nəfər gətirilib.
Yaxın Şərqdə vəziyyət kəskinləşdiyi andan Almaniyanın Xarici İşlər Nazirliyi vətəndaşlarını Fələstin, Livan və İsrailə səfər etməməyə çağırıb. DPA agentliyi isə indiyədək 2,8 min almaniyalının və onların ailə üzvlərinin İsraili tərk etdiyini bildirib.
Bölmənin digər xəbərləri
