Almaniya şirkəti Azərbaycanda bərpaolunan enerji mənbələrinin çəkisinin artırılmasına cəlb olunub
Bakı, 15 oktyabr, AZƏRTAC
Almaniyanın “DNV GL Energy Advisory GmbH” şirkəti Azərbaycanda elektrik enerjisinin ümumi generasiya güclərində alternativ və bərpaolunan enerji mənbələrinin xüsusi çəkisinin artırılmasına cəlb edilib.
AZƏRTAC xəbər verir ki, Energetika Nazirliyi tərəfindən bu il avqustun 1-də “Elektrik enerjisinin ümumi generasiya güclərində alternativ və bərpaolunan enerji mənbələrinin xüsusi çəkisinin artırılmasını, habelə alternativ və bərpaolunan enerji sahəsinə özəl investisiyaların cəlb edilməsi məqsədilə bu sahəni tənzimləyən normativ hüquqi bazanın təkmilləşdirilməsini, güzəştli tariflərin və digər təşviqedici tədbirlərin tətbiqini əhatə edən sənədlərin hazırlanması” işlərinin satınalınması üçün tenderdə “DNV GL Energy Advisory GmbH” qalib elan olunub və şirkətlə müvafiq satınalma müqaviləsi imzalanıb.
Bölmənin digər xəbərləri
