® Təhsil Tələbə Krediti Müqaviləsi “SİMA İmza” ilə tam rəqəmsal! VİDEO
SİMA rəqəmsal imza ilə Təhsil Tələbə Krediti Fondunun (TTKF) kredit müqavilələrinin rəsmiləşdirilməsi prosesi təkmilləşdirilib.
İndi tələbələr kredit müqavilələrini “SİMA İmza”nın üztanıma texnologiyası ilə bir neçə dəqiqə ərzində tam təhlükəsiz və onlayn şəkildə rəsmiləşdirə bilirlər. Belə ki, kreditin ayrılması üçün tələbə əvvəlcə e-ttkf.edu.az saytında qeydiyyatdan keçir. Qeydiyyat zamanı daxil edilmiş mobil nömrəyə müvəkkil bank tərəfindən kredit müqaviləsinin imzalanması üçün link göndərilir. Tələbə həmin linkə daxil olduqdan sonra sistem istifadəçini “SİMA İmza” tətbiqinə yönləndirir. Tətbiqin biometrik texnologiyası ilə şəxsiyyət identifikasiya olunur, proses uğurlu olduğu təqdirdə tələbə müqaviləni imzalayır. Bununla da müraciət edən şəxslər təhsil krediti müqavilələrini sürətli və təhlükəsiz şəkildə rəsmiləşdirmiş olur.
“SİMA İmza”nın Təhsil Tələbə Krediti Fondunun proseslərində tətbiq olunmasının məqsədi vaxta və digər resurslara qənaət etməklə vətəndaş məmnunluğunun təmin edilməsidir.
Məlumat üçün bildirək ki, bu ildən etibarən TTKF tərəfindən ayrılan tələbə kreditləri üzrə müqavilələrin onlayn formada imzalanması yalnız “SİMA İmza” ilə həyata keçirilir.
“SİMA İmza” haqqında
SİMA yeni nəsil rəqəmsal imza AZCON Holding şirkətlərindən olan “AzInTelecom” MMC tərəfindən yaradılıb. “SİMA İmza” istifadəçilərə müxtəlif dövlət və özəl xidmətlərdən təhlükəsiz və sürətli şəkildə yararlanmağa imkan verən rəqəmsal imza həllidir. Rəqəmsal imzanı xidmət məntəqəsinə getmədən ödənişsiz şəkildə mobil tətbiq vasitəsilə əldə etmək mümkündür.
Bölmənin digər xəbərləri
