Almaniyada hava limanı işçiləri kütləvi tətillərə başlayıblar
Bakı, 1 fevral, AZƏRTAC
Almaniyada bir neçə hava limanının təhlükəsizlik xidməti əməkdaşları kütləvi tətillər keçirməyə başlayıblar.
AZƏRTAC xarici mediaya istinadla xəbər verir ki, Frankfurt, Hamburq, Bremen, Berlin, Leipziq, Düsseldorf, Köln, Hannover, Ştutqar, Erfurt ve Drezden şəhərlərində yerləşən hava limanlarının təhlükəsizlik xidməti işçiləri əməkhaqqının artırılması ilə bağlı razılığa gələ bilmədikləri səbəbindən tətil keçirməyə qərar veriblər. Bu isə təqribən 25 min işçini əhatə edir.
Almaniya Hava Limanları Birliyi hadisə nəticəsində 1100 reysin ləğv ediləcəyini və ya təxirə salınacağını açıqlayıb. Bildirilib ki, nəticədə 200 min sərnişinin daşınmasında problem yaranacaq.
Bölmənin digər xəbərləri
