Almaniyada iqlim fəalları hökumətin enerji siyasətinə etiraz ediblər
Berlin, 18 aprel, AZƏRTAC
Almaniyanın bir sıra şəhərlərində minlərlə insan hökumətin enerji siyasətinə etiraz olaraq aksiyalar keçirirlər.
AZƏRTAC “Spiegel” nəşrinə istinadla xəbər verir ki, Berlin, Hamburq, Köln və Münxen şəhərlərində keçirilən aksiyalar ekoloji təşkilatların geniş koalisiyası tərəfindən təşkil olunub. Təşkilatçılar bərpaolunan enerji mənbələrinin genişləndirilməsini və fosil yanacağından mərhələli qaydada imtina olunmasını tələb edirlər.
Etirazçılar İqtisadiyyat Nazirliyini enerji keçidini ləngitməkdə və bərpaolunan enerji layihələrinə kifayət qədər dəstək verməməkdə ittiham edirlər. Fosil yanacağından asılılığın həm iqtisadi, həm də təhlükəsizlik baxımından risklər yaratdığı ifadə olunub.
Berlində keçirilən aksiyada iqlim fəalı Luza Noybauer bildirib ki, enerji siyasətində dəyişikliklər qaçılmazdır. Onun sözlərinə görə, Günəş və külək enerjisinin inkişafı iqlim böhranı ilə mübarizədə əsas vasitələrdən biridir.
Etirazçılar, həmçinin enerji qiymətlərinin artmasını qlobal böhranlarla əlaqələndirərək, alternativ mənbələrə keçidin sürətləndirilməsinin vacibliyini vurğulayıblar.
Bölmənin digər xəbərləri
