Almatıda Xocalı soyqırımı qurbanlarının xatirəsi anılacaqdır
Bakı, 24 fevral (AZƏRTAC). Fevralın 26-da Almatıda Qazaxıstan Azərbaycanlıları Assosiasiyasının təşkilatçılığı ilə Xocalı faciəsinin 19-cu ildönümü ilə bağlı anma mərasimi keçiriləcəkdir.
AZƏRTAC xəbər verir ki, mərasim iştirakçılarına Xocalı faciəsinin qəddarlığa görə bəşəriyyətə qarşı törədilmiş ən dəhşətli cinayətlərdən biri olduğunu sübut edən sənədlər, fotolar və məlumatlar paylanacaq, soyqırıma həsr edilmiş “Vətən” qəzetinin xüsusi buraxılışı təqdim ediləcəkdir.
Mərasimdə Qazaxıstan Xalqları Assambleyasına daxil olan bir sıra mədəniyyət mərkəzlərinin nümayəndələri, Almatıda yaşayan Azərbaycan və türk diasporların üzvləri, tələbələr, KİV-lərin təmsilçiləri iştirak edəcəklər.
Bölmənin digər xəbərləri
