Amerikalı jurnalist tezliklə Putindən müsahibə alacağını bildirib
Bakı, 6 fevral, AZƏRTAC
Amerikalı jurnalist Taker Karlson yaxın vaxtlarda Rusiya Prezidenti Vladimir Putindən müsahibə alacağını bildirib.
AZƏRTAC TASS agentliyinə istinadla xəbər verir ki, jurnalist bu barədə öz sosial hesabında video paylaşıb.
“Bu gün biz Moskvadayıq, Rusiya Prezidenti Vladimir Putindən müsahibə götürmək üçün buradayıq”, - deyə Karlson videomüraciətində deyib.
Keçmiş “Fox News” aparıcısının sözlərinə görə, belə müsahibələrin alınmasında həmişə risklər var, ona görə də qərar bir neçə ay ərzində qəbul edilib.
Karlson Rusiyaya ötən həftənin sonunda gəlib. Hələ 2023-cü ilin sentyabrında jurnalist Putindən müsahibə almağa çalışdığını, lakin ABŞ hakimiyyəti tərəfindən buna qadağa qoyulduğunu bildirmişdi.
Rusiya Federasiyası Prezidentinin özü sonuncu dəfə 2021-ci ilin oktyabrında Qərb mətbuatının nümayəndəsinə müsahibə verib, sonra Rusiya Enerji Həftəsinin plenar iclası başa çatdıqdan sonra onunla Amerikanın CNBC telekanalının aparıcısı Hadley Gamble danışıb.
Bölmənin digər xəbərləri
