ANAMA-nın əməkdaşı Xocavənddə minaya düşüb, vəziyyəti stabildir
Bakı, 20 oktyabr, AZƏRTAC
İşğaldan azad edilmiş Xocavənd rayonunun Tağaverd kəndi ərazisində bu gün mina hadisəsi baş verib.
Bu barədə AZƏRTAC-a Azərbaycan Respublikasının Minatəmizləmə Agentliyindən (ANAMA) məlumat verilib.
Bildirilib ki, ekskavator operatoru vəzifəsində çalışan agentliyin əməkdaşı, 1967-ci il təvəllüdlü İlqar Vəli oğlu Şirinov xidməti vəzifəsini yerinə yetirərkən baş verən piyadaəleyhinə mina partlayışı nəticəsində xəsarət alıb.
O, hadisə yerindən təxliyə edilərək rayon xəstəxanasına çatdırılıb.
Xəsarət alan şəxsin sağ ayağı topuq nahiyəsindən amputasiya edilib, vəziyyəti stabildir.
Bölmənin digər xəbərləri
