Anar Məmmədov: Peşəkar Milli Teatrın 150 illiyi münasibətilə rayonlara qastrol səfərləri nəzərdə tutmuşuq
Bakı, 15 mart, Emil Məlikov, AZƏRTAC
Teatrımız keçən ilin dekabr ayında Qazaxıstanın Karaqanda şəhərində qastrol səfərində oldu. Orada çox gözəl qarşılandıq. Müvəffəqiyyətlə çıxış edərək diplom və sertifikatlar aldıq. Oradan son dərəcə müsbət təəssüratla qayıtdıq. Hər dəfə qastrol səfərlərimizdə, eləcə də öz ölkəmizdə teatrımızın kollektivinə qarşı olan xoş münasibət, tamaşaçı alqışları bizi daha da yüksək səviyyədə işləməyə, yeni-yeni tamaşalar hazırlamağa ilhamlandırır.
Bu sözləri AZƏRTAC-a açıqlamasında Abdulla Şaiq adına Azərbaycan Dövlət Kukla Teatrının quruluşçu rejissoru Anar Məmmədov deyib.
“Cari ilin may ayında Azərbaycan Teatrının 150 illiyi münasibətilə biz ucqar rayonlara qastrola gedəcəyik. Bütün may ayı boyunca biz bölgələrə olan səfərlərimizdə orada olan uşaqları maraqlı tamaşalarla sevindirəcəyik. Teatrımızın gələcək planlarında çox maraqlı işlər gözlənilir”, - deyə A.Məmmədov vurğulayıb.
Bölmənin digər xəbərləri
