Ankarada “İnkişaf yolu” layihəsi çərçivəsində işlərin başlanacağı tarix açıqlanıb
Ankara, 23 oktyabr, AZƏRTAC
Ankara və Bağdad İraqın cənubunu Türkiyə ilə birləşdirəcək “İnkişaf yolu” nəqliyyat marşrutu layihəsinin maliyyələşdirmə modelinin həyata keçirilməsi üçün ortaq baxışı bölüşür.
AZƏRTAC xəbər verir ki, bu barədə Ankarada jurnalistlərə Türkiyənin nəqliyyat və infrastruktur naziri Abdülkadir Uraloğlu məlumat verib.
Onun sözlərinə görə, tərəflərin regionun gələcək inkişafı ilə bağlı ümumi baxışı var.
Nəqliyyat naziri xatırladıb ki, yeni nəqliyyat marşrutu İraqın Bəsrə şəhərindəki Fav limanından başlayacaq və Türkiyədən keçməklə şimaldan Avropaya qədər davam edəcək. Üstəlik, bu, təkcə avtomobil yolu deyil, həm də dəmir yolu nəqliyyatını əhatə edir. "İraqın cənubunda yüklənmiş qatar və ya yük maşını Londona qədər birbaşa Avropaya çata biləcək”, -deyə türkiyəli nazir bildirib.
Uraloğlu xatırladıb ki, “İnkişaf yolu” nəqliyyat marşrutu layihəsinin maliyyələşdirmə modeli ilə bağlı 17 milyard dollar dəyərində təxmin edilən saziş Türkiyə, İraq, Qətər və BƏƏ-nin iştirakı ilə 2024-cü ildə İstanbulda imzalanıb. “Söhbət avtomobil yolu və 1200 km dəmir yolu xətlərinin çəkilməsindən gedir”, - deyən Türkiyə Nəqliyyat Nazirliyinin rəhbəri bildirib ki, İraqda seçkilərdən sonra gələn il layihə üzrə işlərin aktiv mərhələsinə başlanılacaq.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
