Antarktida buzu iqlimşünasları “aldada bilər”
Bakı, 3 mart (AZƏRTAC). AZƏRTAC xəbər verir ki, Antarktidada temperaturun dəyişməsi planetin şimal yarımkürəsində deyil, Cənub yarımkürəsində iqlim dəyişiklikləri ilə izah olunur.
Deməli, Antarktida buzlarının xarakteristikasından, indi olduğu kimi, iqlimin fundamental nəzəriyyələrindən birini izah etmək üçün istifadə etmək olmaz.
Bu barədə alimlər “Nature” jurnalında nəşr olunmuş məqalədə məlumat verirlər.
Serb riyaziyyatçısı və astrofiziki Milutin Milankoviç tərəfindən təklif olunmuş buzlaqlar dövrünün fərziyyəsi müasir iqlimşünaslığın əsas nəzəriyyələrindən biridir.
O, orbitin dəyişməsini və planetin əyilməsini insolyasiya, günəş şüalarının kəmiyyəti ilə əlaqələndirmişdir.
Alfred Veqener adına Almaniya Qütb və Dəniz Tədqiqatları İnstitutunun bir qrup alimi Antarktida buzları əsasında hazırlanmış temperatur məlumatlarını təhlil etmişdilər. İlk dəfə belə bir fakt nəzərə alınmışdır ki, qış temperaturu buza yay temperaturundan daha güclü təsir edir.
T.Lepplenin fikrincə, indi “biz buzlaşma dövrlərinin və isti epoxaların bir-birini əvəz etməsini müəyyənləşdirən uzunmüddətli fiziki mexanizmləri daha yaxşı anlaya bilərik”.
Bölmənin digər xəbərləri
